Նոյեմբեր 2023
Ինչպե՞ս անցավ մեր Հոկտեմբեր ամիսը
Սկաուտական խմբի խմբագրական խմբի անդամներս հետևում ենք խմբի ողջ գործունեությանը և լուսաբանում այն՝ շուտով կհրապարակենք նաև թերթի տեսքով
Նոյեմբեր 1 | Նոր գիտելիքներ ԱԲԿ Ծրագրում
Ի շնորհիվ մեր ԱԲԿ ծրագրի մարզիչներին, Սկաուտական խմբի ԱԲԿ՝ Արտադպրոցական Բազմակողմանի Կրթական ծրագրի հարթակում, հրապարակվեց մի շարք նոր գիտելիքներ, որոնք սկաուտների ուսուցանում և պատրաստում տարբեր գիտելիքներով զինված:
Առաջնորդվելով սկաուտի նշանաբանով՝ Միշտ Պատրաստ, սկաուտները այդ գիտելիքները մարզիչների հետ անցան շաբաթվա ընթացքում, որոնք պետք էր տիրապետել մասնակցելու երկօրյա գիշերակացով պլանավորված արշավին:
Նոյեմբեր 5 | Սկաուտները Արցախի երեխաների հետ
Սկաուտների կիրակնօրյա հավաքները միշտ անցնում են ակտիվ, իսկ այս անգամ, սկաուտները որոշեցին իրենց ակտիվ կիրակնօրյա հավաքը անցկացնել Արցախից բռնի տեղահնված Երեխաների հետ:
Այցելեցին Բյուրականի աստղադիտարանում ժամանակավոր ապաստանած 40 երեխա: Սկաուտները այցի ընթացքում զարմացան և հպարտացան Արցախի երեխաների լավատեսությամբ և խիզախ տրամադրությամբ ապագայի վերաբերյալ, և հավատով զինված, որ Արցախում Հայը կրկին ապրելու և արարելու է:
Նոյեմբեր 12 | Երկօրյա Արշավ գիշերակացով
Սկաուտները նոյեմբեր ամսի սկզբից պատրաստվում էին ֆիզիկապես մասնակցելու այս արշավին, սովորում էին գոյատևման անհրաժեշտ գիտելիքները, որ թույլտվություն ստանան մասնակցելու երկօրյա այս արշավին:
Արշավին մասնակցելու համար սկաուտները պետք է տիրապետեն մասնավոր գոյատևման գիտելիքների, այդ պատճառով շաբաթվա ընթացքում մարզիչների հետ հաճախ հանդիպում և վերապատրաստվում էին:
Արշավը անցավ սպասածից էլ լավ, բոլորով գիշերեցինք Քասաղի կիրճում գտնով քարանձավներում:
Նոյեմբեր 19 | Ռազմամարզական Հզոր Կիրակի
Սկաուտները կիրակի օրն անցկացրեցին մարզվելով և հզորանալով: Ապագա սերունդը հզոր է մարմնով և մտքով:
Միշտ Պատրաստ նշանաբանով սկաուտները սովորում են պատրաստ լինելու տարբեր իրավիճակների, լինի խաղաղ, պատերազմ և արտակարգ իրավիճակներում:
Այդ իսկ պատճառով, սկաուտական խմբի ավագ Ռազմավար՝ Դ. Ի.-ն սկաուտներին փոխանցում է մարտական ճանապարհն անցած իր փորձարություններն ու գիտելիքները, այդպիսով պատրաստելու սկաուտներին յուրաքանչյուր իրավիճակի:
Նոյեմբեր 26 | Սկաուտները Երդվեցին
2008թ.-ից ի վեր` մեր հրամանատարների շնորհիվ, Հայաստանում 1200-ից ավել սկաուտներ տվել են սկաուտական երդում՝ «Հայ Սկաուտ» ծրագրի շրջանակներում:
Այս տարվա երդման արարողությունն ուներ ուրիշ շունչ, քանի որ մեր խումբը 2021թ.-ից անցնելով շատ դժվարություններ՝ ի շնորհիվ մեր հրամանատարների և ողջ սկաուտական խմբի անդամների, կարողացավ հաղթահարել և Փյունիկի նման նոր շունչ ու թռիչք առնել:
Կարող է նաև հավանեք
Բարությունը սահման չունի
Սկաուտի Ֆուլյարի (վզկապի) համաշխարհային օր
