Հուլիս 2024

Հուլիսի 7 | Վարդեվառ

Հուլիսի 7-ին Արալեզ սկաուտական կենտրոնում ջրային հրավառություն էր՝ սկաուտներս և մեր փոքրիկները՝ գայլիկները, անցկացրեցինք շատ ուրախ Վարդեվառ` լի ջրային տարբեր հետաքրքիր խաղերով:
Մրցութային տարբեր ջրային խաղերից հետո սկսեցինք ջրամարտել հարևան բակի երեխաների հետ՝ հաղթեց ընկերությունը:
Օրը եզրափակեցինք վայելելով համեղ հյուրասիրությունը:

Հուլիսի 14 | Դեպի Գեղարոտի Ջրվեժ

Հուլիսի 14-ին սկաուտներս՝ փոքրերի հետ, արշավեցինք դեպի Գեղարոտի ջրվեժ: Մեր պատասխանատուները գիտեն, թե ինչպես մեզ կապել հայրենի հողին. նրանք իրավացի են, մեր դրախտավայր հայրենիքը բացահայտելով մենք ավելի ենք սիրում այն: Արշավում էինք՝ վայելելով դաշտերի ու ձորերի գունեղ բնապատկերը, լսելով բնության հնչեղ ձայնը… Արշավները մեզ ուժեղացնում են… Ամեն արշավից հետո՝ անկախ դժվարությունից, մենք մեծանում ենք՝ դառնալով ավելի ինքնավստահ և նպատակասլաց: Այդպիսի արշավներից էր նաև հուլիսի 14-ի մեր արշավը, որի ընթացքում հաղթահարեցինք մոտ 16 կմ, իսկ մեր փոքրիկները՝ գայլիկները, մոտ 12 կմ, որը փոքրերի դեպքում կարելի է ասել ռեկորդային էր: Մինչ սկաուտներս շարունակում էինք մեր ճանապարհը, գայլիկները վայելում էին բակային խաղերը՝ ուրախ ժամանակ անցկացնելով տվյալ գյուղի հյուրասեր երեխաների հետ: Հետաքրքիր և ուսուցողական օր էր և՛ մեծերիս, և՛ փոքրերի համար:

Հուլիսի 21 | Սկաուտություն բոլորի համար

Սկաուտություն բոլորի համար:
Այո՛-այո՛, ճիշտ եք, մենք մեր բանակումը նվիրել ենք այլ երեխաների, ովքեր հնարավորություն չունեն բանակումների` լինի դա սոցիալական, թե առողջական…
Ուրախանում ենք՝ այլոց ուրախացնելով և մեր փորձառությունները փոխանցելով: Հուլիսի 21-ին ուրախացնում էինք այլ երեխաների, ովքեր հնարավորություն և միջոցներ չունեն ճամբարներ գնալու:

Հուլիսի 21 | Մաչանենց Տուն

Հուլիսի 21-ին, մեր փոքրիկները՝ գայլիկները, արծվիկները և կորյունները, Մաչանենց Տանն էին: Մաչանենց Տունը մշակութային և տուրիստական կենտրոն է, որի տարածքում գործում է թանգարան, արվեստանոց, թատրոն, հյուրատուն և այլն: Այն գտնվում է Էջմիածին քաղաքում, Մայր Տաճարից ոչ հեռու: Կարևորում ենք երեխաների բազմակողմանի զարգացվածությունը՝ հատկապես մշակութային: Մաչանենց Տանը հետաքրքիր և համեղ օր անցկացնելուց հետո, խմբի կրտսերներն իրենց օրը շարունակեցին շրջելով Էջմիածին քաղաքով՝ վերջնակետը սուրբ Գայանե եկեղեցին էր: Սուրբ Գայանե եկեղեցին ներդաշնակ համաչափություններով, տպավորիչ ինտերիերով քառամույթ գմբեթավոր բազիլիկ է, որի Ավագ խորանի տակ գտնվում է սրբուհու՝ հարավարևելյան ավանդատնից մուտքով թաղածածկ դամբարանը։

Հուլիսի 25 | Ավանդական Գաթայի պատրաստում 

Բյուրականում սկաուտական խմբի փոքրերը՝ 6-11 տարեկանները, ծանոթացան գաթայի թխմանը և սովորեցին դրա պատրաստոմը, որից հետո իրենց ձեռքերով թխեցին և ընկույզով զարդարեցին աշխարհի ամենահամեղ գաթան՝ հայկական գաթան:

Գաթան հայկական ազգային հրուշակեղեն է, որը տարածում ունի ինչպես Հայաստանում, այնպես էլ հայկական սփյուռքում…

Հուլիսի 25-26 | Բանակում Բյուրականում

Սկաուտական խմբի փոքրերը՝ 4-11 տարեկաննրը, հուլիսի 25-26 անցկացրեցին անմոռանալի բանակում Բյուրականում: Հասնելուն պես, մասնակցել էին ավանդական գաթայի պատրաստման վարպետաց դասին, ապա կառուցել բանակավայրը, որից հետո այցելել մոտակա հուշարձաններն ու վանքերը՝ ճանաչել և սիրել մեր հայկական մշակութային ժառանգությունը:
Անշուշտ, այցելել էին նաև Բյուրականի աստղադիտարան՝ բացահայտել աստղագիտությունը:
Սկաուտական խմբում կարևորվում է բազմակողմանի զարգացվածությունը, հայաճանաչումն ու ազագյինի ընկալումը:

Հուլիսի 28| Երեխաների տանը

Հուլիս 28-ին մեր սկաուտական փորձառությունները փոխանցեցին Գյումրու «Երեխաների տան» փոքրիկներին, ովքեր 1-ին անգամ էին վրան տեսնում, կամ դրանում խաղում… Սկաուտներս շատ ուրախ էինք, քանի որ կարողացան փայլ ավելացնել այդ փոքրիկների աչքերում: Կրկին կվերադառնանք և կուրախացնենք նրանց: Մենք` Արալեզի սկաուտներս, ստանում են արտադպրոցական բազմակողմանի կրթություն ողջ տարի՝ շաբաթ և կիրակի օրերին, իրականացնում են մարդասիրական բնապահպանական և այլ ծրագրեր: Նրանք ապագա առաջնորդներ են՝ ճկուն մտքով և մարմնով:

Հուլիսի 28| Օլիմպիական օրեր 

Հուլիսի 28-ին, մինչ մեծերը Գյումրիում կազմակերպել էին սկաուտություն բոլորի համարներառական հատուկ խնամքով երեխաների համար, ապա շրջել Գյումրիով և նշել քաղաք Գյումրիի օրը, փոքրերս 4-12 տարեկաններս, անցկացնում էինք օլիմպիական օր: Նախ ծանոթացանք մարզաձևերին, ապա մի փոքր նախավարժանք արեցինք և խաղի միջոցով գտանք մեզ սպասվող անակնկալըսուսերը, որից հետո սուսերամարտուհի մեր շատ սիրելի ընկեր Էվան մեզ ծանոթացրեց այս գեղեցիկ մարզաձևին և ընդհանուր կանոններին:

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

ARALEZ ScoutsՉորեքշաբթի, 7 Օգոստոսի, 2024 at 4:15ե.

View on Facebook

Շնորհակալություն ենք հայտնում բոլոր կամավորներին և մեր անմիջական պատասխանատուներին, ովքեր կազմակերպեցին մեր այս հագեցած օրը մենք էլ ետ չմնացինք օլիմպիական խաղերից:

Հուլիսի 28| Սև բերդ (ամրոց)

Սկաուտներս բացի բազմակողմանի կրթություն ստանալուց, մեծանում ենք հայրենասեր` ճանաչելով մեր ամեն մի անկյունը: 

Այս անգամ հուլիսի 28-ին, երբ Սկաուտական մեր փորձառությունները փոխանցել էինք Գյումրու Երեխաների տան հատուկ խնամք պահանջող երեխաներին, այցելեցինք նաև Սև Բերդ (ամրոց):