Աստղաթափ
Սկաուտներս արտադպրոցական գիտելիք ստանում ենք բանակումների՝ ճամբարների, արշավների, խաղերի և տարատեսակ միջոցառումների միջոցով: Այդպիսի օրերից էին օգոստոսի 10-ն ու 11-ը՝ գիշերակացով հավաք: Հյուրընկալվել էինք Աժդահակ հյուրատանը, որի ընդարձակ այգին դարձրել էինք բանակավայր: Ինչպես բոլոր բանակումներին, այս անգամ էլ օրը սկսեցինք տարածքը նախ ուսումնասիրելով, ապա բանակավայրի հարդարմամբ, որին հաջորդելու էր «Աստղաթափ» հայտագիրը՝ տարբեր փորձառություններ հաղթահարելով հավաքեցինք մեր աստղերը, մարզեցինք և ստուգեցինք մեր մարմնի և մտքի ճկունությունը:
Ցավոք եղանակայի վատ պայմանի պատճառով մեզ չհաջողվեց տեսնել աստղաթափը՝ փոխարենը ծանոթացանք աստղադիտակին և մինչ ճրագմարը իրար պատմեցինք հետաքրքրաշարժ պատմություններ. ինչ երեկո առանց երգի՝ մենք էլ վերհիշեցինք և ոգեշնչվեցինք մեր ազգային երգերով, ևս մեկ անգամ թերթելով մեր առցանց երգարանը:
Երեկոյան, ինչպես միշտ, արթուն էին միայն պահակներն ու հերթապահները, ովքեր հսկելով մեր բանակավայրը, ապահովվեցին մեր խաղաղ քունը: Հաջորդող օրը սկսվեց աշխույժ մարմնամարզությամբ, ապա նախաճաշելուց հետո արշավեցինք դեպի Բարձունք՝ հարգանքի տուրք մատուցելու մեր հերոսներին…
Շնորհակալություն ենք հայտնում մեր այս հետաքրքրաշարժ օրերին համար՝ ԹԱԹՅՈՍԱ ընկերությանը՝ մեր ծրագրերը հովանավորելու համար: Հատուկ շնորհակալություն Աժդահակ հյուրատան տնօրինությանը՝ բարեհամբույր և հյուրասեր վերաբերմունքի համար:
Հրապարակումն ընթերցվել է 35 անգամ:
Կարող է նաև հավանեք
Հրեշտակներ ձոր
Նետաձգություն
