Բարությունը սահման չունի
Բարություն դեռ կա աշխարհում, որը փաստում ենք սկաուտներս մեր ծրագրերով։ Լուսէ կենտրոնում, ուր աջակցություն են ստանում մոտ 100 Արցախից բռնի տեղահանված երեխաներ (ներառական խնդիրներով), սկաուտներս կազմակերպեցինք եռօրյա սկաուտական ուրախ օր նրանց համար՝ «Սկաուտությու բոլորի համար» բարեգործական և ուսուցողական մեր ծրագրի շրջանակներում:
Այս ծանր ժամանակներում, երբ նրանք կորցրել են իրենց համար ամենաթանկը՝ տունը, հայրենքի մի մասը, մենք տվեցինք նրանց ուշադրություն և սեր՝ քանզի դա ամենաչնչինն էր, որը կարող էինք անել երեխաներս նրանց համար։
Սկաուտներս լինելով կամավոր և գիտակցելով իրենց հոգեվիճակը, փորձել ենք անմոռանալի դարձնել այդ օրերը երեխաների համար։
Լինելով ոչ լիարժեք և որոշ դեպքերում ցավոք անտեսված (հասարակության կողմից) այդ 3 օրերի ընթացքում երեխաները իրենց զգացին կարևոր և ընդունված այդ ջերմ միջավայրում:
Հույս ունեմ այս միջոցառումը կլինի օրինակ հասարակության համար` լինել բարի և հանդուրժող այդպիսի մարդկանց հանդեպ և հասկանալ, որ պետք չէ պիտակավորել մարդանց՝ անկախ իրենց հոգեկան և ֆիզիկական վիճակից՝ քանզի բոլորս էլ մարդ ենք, և բոլորս էլ ձգտում ենք երջանկության և խաղաղության։
Ի դեպ, «Երեխաները երեխաներին» մարդասիրական ծրագրեր իրականացնում ենք 17 տարի, մեր գործերը լուսաբանելու հարցում շատ համեստ ենք, գիտենք:
Հրապարակումն ընթերցվել է 39 անգամ:
Կարող է նաև հավանեք
Հրեշտակներ ձոր
Նետաձգություն
