ՈՒնենալով ստեղծարար միտք և միևնույն ժամանակ լինելով աշխատասեր, Արեգ Ադուրյանը հասցնում էր համատեղել ամեն բան։ Սկաուտական խմբում լեռնագնացների և խմբագրական խմբերի ակտիվ անդամ էր՝ լուսանկարիչ, դիզայներ, երբեմն էլ գրող։ Բաց չէր թողնում արշավները, գրական երեկոները և այն բոլոր բարեգործական միջոցառումները, ուր օգնության կարիք կար։ Հասցնում էր նաև հաճախել Փողերախմբի փորձերին և նվագում էր ծնծղա։