Արշավեցինք դեպի Տավուշի մարզ

Կիրակի օրը՝ 17/09/2023թ.-ին, սկաուտներն ունեցան հերթական հիշարժան արշավը՝ այս անգամ այցելելով Տավուշի մարզ։ Այս անգամ Արալեզի Երևանի սկաուտական խմբին միացան Արալեզի Դրախտիկի և Շորժայի մասնաճյուղերի սկաուտները:

Սկաուտական խմբի կրթական ծրագրում ներառված է ամենամսյա հատուկ արշավ, որը հասանելի է անվճար՝ խմբի բոլոր անդամներին։ Նախատեսված է, որ սկաուտները մեկ տարվա ընթացքում այցելելու են ՀՀ բոլոր մարզեր՝ ճանաչելով և բացահայտելով Հայաստանի հուշարձաներն ու բնությունը․ հայրենասիրությունը սերմանվում է հայրենաճանչությամբ: Այս ամիս այցելեցինք Տավուշի մարզ՝ Աղավնավանք (12 – 13-րդ դարերի կիսավեր հայկական վանքային համալիր Հայաստանի Տավուշի մարզի համանուն գյուղում), Հաղարծնի վանք (10-րդ դարի հայկական վանական համալիր, Հայաստանի Տավուշի մարզում) և Հաղարծին վանական համալիրի մոտ գտնվող «Թաքնված» ջրվեժ, որն իսկապես Տավուշի մարզի թաքնված վայրերից մեկն է։ Համեմատած մյուս ջրվեժների ՝ Թաքնված ջրվեժն ավելի փոքր է, բայց ունի իր հմայքը։ Ջրի հոսքը թափվում է ժայռերի միջով և ստեղծում անհավանական կապույտ ջուր: Նրա գեղեցկությունը պարզապես հմայող է:

Արշավը շարունակեցինք դեպճի Հաղարծնի վանք և Թաքնված ջրվեժ, իսկ թե ինչ գեղեցիկ տեսարան էր թաքնված ջրվեժում, խմբագրական խմբի անդամները դժվարանում են արտահայտել բառերով։