Հոկտեմբեր 2024

Հոկտեմբերի 6| Սկաուտական տարի

Հոկտեմբերի 6-ի սկաուտական հավաքը, ինչպես միշտ, մեկնարկվեց դրոշակի արարողությամբ, ապա անցանք մարմնամարզության և ազգային պարերի ուսուցման, որից հետո սկաուտներիս սպասվում էր գիտառատ խաղ, որը հիմնված էր տարբեր գիտելիքների ստուգման և հմտությունների կիրառման վրա: Բաժանվեցինք խաղախմբերի և անցանք գիտափորձությունը: 

Հոկտեմբերի 6|Ամենահետաքրքիրը

Հոկտեմբերի 6-ին փոքր սկաուտները` Կորյունները, Թամզարա պարը սովորելուց և պարելուց հետո, հմտացան սկաուտական ծափերում և կապերում` սովորեցին պարանով սկաուտական կապեր անել և պատրաստեցին իրենց յուրահատուկ շրջանակները: Սկաուտական կապերով հնարավոր է ոչ միայն շրջանակներ պատրաստել, այլև օգտագործել կյանքի տարբեր իրավիճակներում։ Դե իսկ հետո, փոքրիկները իրենց ստեղծագործական մտքով և աշնանային տրամադրությամբ զարդարեցին շրջանակները։ 

Հոկտեմբերի 12| ԱԲԿ` ՆԶԿ-ի ժամ

Սկաուտներս շաբաթ օրերն անցկացնում ենք ԱՐԱԼԵԶ կենտրոնում, ուր ստանում ենք արտադպրոցական բազմակողմանի կրթություն: Այդպիսի օրերից էր հոկտեմբերի 12-ը, այս անգամ ՆԶԿ-ի դաս էր, որի ընթացքում ձեռք բերեցին քարտեզագրության գիտելիք, հմտացանք հատուկ վարժություններով և հանձնարարությամբ: Հատուկ շնորհակալություն ենք հայտնում «ԱՐԱԼԵԶ» ՀԿ-ի նախագահ Սարօ Թաթյոսին, ով բազմազբաղ լինելով, իր հանգստյան օրը տրամադրում է մեզ՝ այնպիսի գիտելիքներ սերմանելով, որոնք ոչ մի տեղ չենք կարող ձեռք բերել:

Հոկտեմբերի 13| 2806-բանակումի օր

Հոկտեմբերի 13-ը բանակումի օր էր մեծերի համար, իսկ փոքրերը տոնում էին մեր սրտի քաղաքի 2806 ամյակը: Սկաուտական ընդհանուր հավաքը սկսեց դրոշակի արարողությամբ, ապա մարմնամարզություն և ազագային պարի ուսուցում, որին հաջորդեց տարիքայի խմբերի համար նախատեսված հատուկ ծրագիրը: Քանի որ մեծերս շուտով 4-օրյա բանակումի ենք առաջիկայում, անցկացրեցինք բանակումի օր, որի ընթացքում ծանոթացանք բանակումի՝ ճամբարի, կարգ ու կանոնին, բանակումին անհրաժեշտ հմտություններին, մինչ մեծերս բանակումին էինք պատրաստվում, փոքրերը՝ 4-6 տարեկանները, տոնեցին մեր քաղաքի 2806 ամյակը. տոնական օրը սկսվեց եռագույնով, կորյունները նկարազարդվեցին, ապա անցան յուրահատուկ տոնական ծրագրին՝ վարպետաց դաս ցեմենտով, ապա սերմերի տնկում և ջրում: Նախ պատրաստի փոքրիկ ցեմենտե ծաղկամաններում տնկեցին արևածաղկի սերմեր, ապա 2806-ով և եռագույնով զարդարեցին ծաղկամանը, ամրապնդեցին սովորած թվերը՝ 4 լեզվով, ապա ստուգվեց տառաճանաչությունը: Ավարտելուց հետո, կորյունները՝ 4-6 տարեկանները, ցեմենտով փոքրիկ ամաններ պատրաստեցին, որոնք հաջորդիվ հանդիպմանը զարդարելու են և կիրառեն ըստ իրենց ցանկության՝ մատիտաման, ծաղկաման … 

Հոկտեմբերի 19| ՆԶԿ

Սկաուտներս ստանում ենք անհրաժեշտ գիտելիքներ, հմտություններ և կարողություններ կյանքի ոչ սովորական պայմաններում՝ արտակարգ իրավիճակներում, արագ ու անսխալ կողմնորոշվելու համար։ Ինչպես մեր նշանաբանն է. «Միշտ Պատրաստ», ԱԲԿ-ի ժամերին և կիրակնօրյա սկաուտական հավաքների ժամանակ մեր մեջ ձևավորվում է մտավոր և ֆիզիկական այն անհրաժեշտ որակները, որոնք հնարավորություն կտան միշտ պատրաստ լինել ստանձնելու հայրենիքի պաշտպանությունը։ Այս անգամ՝ հոկտեմբերի 19-ին, մեզ մոտ ՆԶԿ էր՝ Նախնական Զինվորական Կրթություն, որ ժամանակ. • իմացանք «Կրակային պատրաստության» տեղն ու դերը մարտական ընդհանուր պատրաստության համակարգում,

• տիրապետեցինք զենքի օգտագործման համար գործող անվտանգության կանոններին և հրաձգության կանոններին,

• քանդեցինք և հավաքեցինց զենքը` մանրամասը ծանոթանալով ամեն մի մասին, դրա ֆունկցիային…

Հոկտեմբերի 20| Օլիմպիական օր

Հոկտեմբերի 20-ը օլիմպիական օր էր մեծերի համար, իսկ փոքրերի համար արված աշխատանքի «բերքահավաք»: Սկաուտական ընդհանուր հավաքը սկսվեց դրոշակի արարողությամբ, ապա մարմնամարզություն և ազագային պարի ուսուցում, որին հաջորդեց տարիքայի խմբերի համար նախատեսված հատուկ ծրագիրը… Մեծերը տարբեր խաղերի միջոցով մրցեցին միմյանց հետ՝ չափելով մտքի և մարմնի ճկունությունը, իսկ փոքրերը, նախ ձևամանների միջից հանեցին նախորդ կիրակի օրվա ձեռագործ աշխատանքները, ապա զարդանախշեցին իրենց ճաշակով: Ձեռային աշխատանքին հաջորդեց լեզուների ուսուցման դասը, որը մատուցվեց ըստ իրենց նախասիրության, թեյի սեղանի շուրջ, իսկ վերջում ուրախ ու գոհ ավարտեցինք սկաուտական հադիպումը՝ ժամանցային խաղով: 

Հոկտեմբերի 27| Կորյունների կիրակին

Հոկտեմբերի 27-ին՝ մինչ մեծերը վայելում էին իրենց բանակումի 4-րդ օրը, կորյունները՝ խմբի 4-ից 6 տարեկան փոքրիկները, Ուրախ խաղերի միջոցով մարզեցինք իրենց մարմինն ու միտքը: Խաղերից բացի,կրկնեցին անցած գիտելիքը` մաթեմատիկայից, ստացան նոր գիտելիք` տարբերում են պատկերները, թվերը…Սեպտեմբերի 15-ին  կորյունները՝ խմբի 4-ից 6 տարեկան փոքրիկները, ծանոթացան հայկական պարերին, փորձեցին պարել, ապա ծանոթացան հայկական տառերին, դրանց գրությանը, և գրեցին իրենց առաջին, հոգեհարազատ բառը՝ ԱՐԱԼԵԶ, Կորյունները հասցրեցին նաև ստեղծագործել՝ գեղեցիկ ձեռային աշխատանքներ պատրաստելով։

Հոկտեմբերի 24-28| 4-օրյա բանակում 

Մեր այս 4-օրյա բանակումն առանձնացավ յուրահատուկ օրակարգով:

Չորսօրյա բանակումը՝ ճամբարը, մեկնարկվեց Լերմոնտովոյի չքնաղ բնության գրկում։ Սկաուտները պատրաստ են տարբեր իրավիճակների, պատրաստ են նաև եղանակային անակնկալների, նրանց տեղանքի սառը պայմանները չխանգարեց ունենալ բանակում լի արկածներով, նոր փորձառություններով և թիմային աշխատանքով։ Բանակավայրը, որը գտնվում է անտառապատ սարահարթում, հիանալի վայր էր մեր բանակումի ծրագիրը լիարժեք իրականացնելու համար․․․