Նոյեմբեր 2025

Նոյեմբերի 1| Ձկնորսութուն

Նոյեմբեր ամիսը մեկնարկվեց ԱԲԿ-ի մեր շաբաթօրյա արտադպրոցական դասով՝ Ձկնորսությամբ, որի ընթացքում սովորեցինք Ձնորսության հմտությունները, ինչպես նաև անհրաժեշտ կապերն ու հնարքները։

Ձկնորսությունը մարդու տնտեսական գործունեության հնագույն ձևերից է և հայտնի է եղել գրեթե բոլոր ժողովուրդներին։  Հայկական լեռնաշխարհի տարածքում, սկսած քարեդարյան, էնեոլիթյան, բրոնզեդարյան ժամանակներից, բնակավայրեր (Շենգավիթ, Քոսիճոթեր, Լճաշեն և այլն) են հիմնել գետերի ու լճերի ափերին՝ ձկնորսության համար նպաստավոր վայրերում։ Ձկնորսությունյան հիմնական գործիքներն են եղել քարե կամ մետաղյա եռաժանիները, տեգերը, թակարդները, ցանցերը, ուռենու ճյուղերից հյուսված սակառները, սուզանիվները, սուզաքար-ծանրոցները և այլն։ Հայաստանի մի շարք հնավայրերից գտնվել են ձկների ոսկորներ և ձկնորսությունյան գործիքներ (եռաժանիներ, սուզանիվներ)։ Ձկնորսությունը, որպես զբաղմունք, Հայաստանում տարածված է եղել նաև միջին դարերում։

Սկաուտներս սովորելով ողջ մնալու՝ գոյատևելու, բոլոր հնարքները, կարևորում ենք ձկնորսությունը, բայց միայն ու միայն խիստ անհրաժեշտության դեպքում ենք ձկնորսությամբ զբաղվում, այն մեզ համար հովի չէ՝ սկաուտներս սիրում և պաշտպանում ենք բնությունը։

Նոյեմբերի 2| Կիրակնօրյա Հավաք

Սկաուտները մասնակցեցին տակտիկական խաղի, որտեղ նրանք զարգացրեցին իրենց ճարպիկություն, տրամաբանություն և թիմային աշխատանքի հմտություններ։
Արենուշներն ու Սկաուտներն իրենց հերթին աշխատեցին Մշակութապահպանման ծրագի վրա, սովորելով մշակութային արժեքները պահպանման ռազմավարություններ, ինչպես նաև խաչքարերի զարթանախշերը թղթին փոխանցելու հմտություններ։
Օրվա գագաթնակետը փոքրիկ ստեղծագործությունն էր՝ սկաուտները փորձեցին ստեղծել իրենց սեփական խաչքարերը՝ փորագրելով հայկական հավերժության նշանը, որը կարելի է տեսնել հազարավոր հին եկեղեցիների և խաչքարերի վրա ամբողջ Հայաստանում։
Այս փորձը ոչ միայն ծանոթացրեց նրանց մեր մշակութային ժառանգությանը, այլ նաև զարգացրեց մանրամասնությունների նկատմամբ ուշադրությունը և սերնդերի միջև կապը։
Գայլիկներն ու Արծվիկները նույնպես զբաղվեցին սկաուտական հմտություններով՝ սովորելով կապեր և հանգույցներ, ինչը նրանց կպատրաստի ապագա Սկաուտներ ու Արենուշներ դառնալու ճանապարհին։

Նոյեմբերի 8| Բիզնես Պլան

Երիտասարդ ձեռներեցների պատրաստում՝ սկաուտական ոճով Այս շաբաթվա ԱԲԿ՝ Արտադպրոցական Բազմակողմանի Կրթական ծրագրի դասը ամբողջությամբ նվիրված էր ստարտափ մտածողությանը և ձեռնարկատիրությանը։ Սկաուտները սովորեցին հիմնական քայլերը բիզնես պլանի ստեղծման համար, թե ինչպես պլանավորել, կանխատեսել և իրագործել իրենց գաղափարները։ Բայց սա միայն թղթի վրա լրացվող տեքստ չէր․ սա մտածողության ոճ էր, որը սովորեցնում է նրանց խելամիտ պլանավորել, ընտրել առաջնահերթություններ, վերլուծել ռիսկերն ու հնարավորությունները, և կատարելուն պատրաստ լինել։ Դասի ավարտին սկաուտները ստացան իրական մարտահրավեր․ մտածել մի փոքրիկ բիզնես, որը նրանք կարող են իրականացնել՝ եկամուտ ստանալու համար։ Արալեզի Սկաուտական խումբը պատրաստ է ֆինանսավորել լավագույն գաղափարը՝ որպես մրցույթ։

Նոյեմբերի 9| Աշնանային կիրակի

Այս կիրակի մեր Սկաուտներն ու Արենուշները ունեցան ֆիզիկապես ակտիվ օր, որը փորձության ենթարկեց նրանց առողջությունը, դիմադրողականությունը և տոկունությունը։
Նրանք մասնակցեցին վազքի, հեծանիվ վարելու, և թիմային խաղերի մրցույթների, որոնք պահանջում էին ուժ, արագություն և արագ կողմնորորոշում և հավասարակշռության պահպանում։
Օրվա ընթացքում սկաուտները սովորեցին նաև աշխատել թիմով, մրցակցել արդար կերպով և քաջալերել իրար՝ մինչև վերջին ջանքերը։
Մյուս կողմից, մեր փոքրիկ Գայլիկներն ու Արծվիկները վայելեցին աշնանային գեղեցկությունը բացօթյա միջավայրում։
Նրանք խաղացին ակտիվ խաղեր, հավաքեցին աշնանային տերևները և ստեղծեցին հիասքանչ արվեստային նախագծեր՝ բնական նյութերից, որոնք խրախուսում են նրանց ստեղծագործությունը, մանրամասնությունների նկատմամբ ուշադրությունը և երևակայությունը։

Նոյեմբերի 16| Ժայռամագլցում

Օրը հնարավորություն տվեց ոչ միայն կյանքում նոր փորձ ձեռք բերել, այլև զգալ հաղթանակի և նպատակին հասնելու երջանկությունը։

Խմբի բոլոր անդամները` սկսած 7 տարեկանից, մասնակցեցին և հաղթահարեցին իրենց վախերը՝ սովորելով և կիրառելով ճիշտ մագլցման տեխնիկան, բնականաբար, հետևելով անվտանգության կանոններին։

Բարձունքին սկաուտները զգում էին ինքնավստահության աճ, զարգացած ֆիզիկական պատրաստվածություն և հաղթանակի երջանկություն, երբ հասնում էին պատի վերին կետին։

Նոյեմբերի 22| Ապագա Ձեռներեց

Նախապատրաստում վաղվա ֆինանսապես գրագետ և ռազմավարական մտածող առաջնորդներին։
Այս շաբաթ մեր սկաուտական շարժումը կրկին ապացուցեց, որ ճամբարային կրակը և բնության գրկում անցկացրած ժամանակը միայն զվարճանք չեն: Արալեզը 2008 թվականից ի վեր իրենց երեխաներին պատրաստում է կյանքի մարտահրավերներին, այդ թվում՝ ձեռներեցության և ռազմավարական պլանավորման: Եթե ցանկանում եք, որ ձեր երեխան մտածի ոչ միայն ներկայի, այլև ապագայի մասին, կարողանա վերլուծել ռիսկերը և իրականացնել իր գաղափարները, ապա այս շարունակական ԱԲԿ դասընթացը հենց դրա համար է։

Նոյեմբերի 23| Երդման արարողություն և Վաշտապետի տարեդարձը

 Կրկնակի Տոն Արալեզում. Երդում և Առաջնորդի Տարեդարձ
Նոյեմբերի 23-ը մեր սկաուտական ընտանիքի համար միշտ կրկնակի տոն է։ Այս օրը տեղի ունեցավ սկաուտական ամենասրբազան արարողությունը՝ Երդման Արարողությունը, և մենք միաժամանակ նշեցինք մեր Ընդհանուր Խմբապետ-Վաշտապետ Սարօ Թաթյոսի տարեդարձը։

Առաջնորդը և Նրա Երկրորդ Ընտանիքը
Մեր Գլխավոր Սկաուտը, Սարօ Թաթյոսը, նշեց, որ իր տարեդարձը մշտապես առանձնահատուկ է, երբ շրջապատված է իր երկրորդ ընտանիքով՝ իր սկաուտներով։

18 Տարվա Նվիրում. Հայաստան տեղափոխվելուց ի վեր՝ 18 տարի շարունակ, Սարօ Թաթյոսն իր կյանքը նվիրել է Հայաստանում սկաուտական արժեքների և առաքինությունների տարածմանը։

Վերջին 5 տարիների ընթացքում նա և իր ընկերությունը՝ TATIOSA-ն, հանդիսանում են «ԱՐԱԼԵԶ» ՀԿ-ի և Սկաուտական Խմբի գլխավոր հովանավորը՝ ապահովելով մեր ծրագրերի շարունակականությունը։