Սկաուտական տարի
Սեպտեմբերի 1-ին հաճելի իրարանցում էր Արալեզ կենտրոնում, ուր տոնեցինք մեր գիտառատ սկաուտական տարվա հաջող ավարտն ու նոր մեկնարկը:
Հաջողությամբ քննությունները հանձնածները ստացան վկայականներ, որում շնորհավորանքից բացի, ամփոփված է նաև առաջադիմությունը` թվերով: ՈՒրախ և հուզված էինք բոլորս՝ փոքրից մեծ, նաև ծնողները: Շնորհակալություն ենք հայտնում մեր սիրելի ծնողներին, ովքեր ինքնակազմակերպվեցին և մեր անակնկալին ավելացրեցին իրենցը կազմակերպելով հյուրասիրություն և նվերներ խմբի բոլոր անդամներիս համար:
Տոնելով մեր գիտառատ սկաուտական տարվա հաջող ավարտն ու նոր մեկնարկը, վստահ ենք, որ 2024-2025 սկաուտական տարում մեզ սպասվում է էլ ավելի հիշարժան, գիտառատ և նոր փորձություններով լի տարի:
Հատուկ շնորհակալություն ենք հայտնում Սարօ Թաթյոսին, ով ոչ միայն փոխանցում է մասնագիտական գիտելիքներ, այլև մեզ տրամադրում է կրթաթոշակ՝ բոլորիս համար լինելով իսկական ընկեր, ավագ եղբայր և մտածող հայր:
Խմբին միանալու համար կարող եք զանգահարել 033990423 կամ այցելել Արալեզ կենտրոն՝ Մամիկոնյանց 58 հասցեում ենք:
Ամենակատիվ սկաուտական խմբում՝ Արալեզի սկաուտական խմբում, մեծանում ենք բազմակողմանի զարգացած, ճկուն՝ մարմնով և մտքով: Ապագա առաջնորդներ ենք՝ կիրթ, ուժեղ և խելացի:
Մեր խմբին կարող են միանալ 4-ից 12 տարեկանները՝ ծրագրերը կազմվում են տարիքային նախասիրությունները հաշվի առնելով:
Հրապարակումն ընթերցվել է 51 անգամ:
Կարող է նաև հավանեք
Հրեշտակներ ձոր
Նետաձգություն
