ԱՐԱԼԵԶի Սկաուտներս կազմակերպում ենք Ծաղկահավաքը

ԱՐԱԼԵԶ Միության Հայաստանի Սկաուտական խմբի անդամներս, տարիներ շարունակ կազմակերպում ենք «Ծաղկահավաք» ծրագիրը, ըստ որի անմար կրակի մոտ խոնարհված ծաղիկները տարիներ շարունակ վերամշակվում են և ոչ այրվում, ինչպես արվում էր 14 տարի առաջ:

Ծրագրի 1-ին փուլին բուն Ծաղկահավաքին, 9 ժամվա ընթացքում մասնակցեցին ավելի քան 3500 կամավորներ. բոլոր ծաղիկները հավքում և տեղափոխվում էին հուշարձանից դուրս, սեղանների վրա առանձնացնելով ցողուններն ու թերթիկները, որոնցից սկաուտները ստանում են ցեղասպանությունը պատմող թղթեր և մոմեր, իսկ ցողունները` Երևանի Քաղաքապետարանի թափոնների վարչության աջակցությամբ, դառնում են պարարտանյութ:

Ամբողջ օրն ակտիվ էր, սկաուտներս ամենուր էինք` կրակի, ծաղկաթերթիկների, ցողունների, վերամշակման կետի և տեղեկատվական կետերում, որովհետև ԱՐԱԼԵԶի գերագույն վարչությունը մեզ է վստահել ամբողջ կազմակերպչական աշխատանքների իրականացումը, այդպիսով մենք ձեռք ենք բերում փորձառություն, ինքնավստահություն և առաջնորդության հմտություններ: Այո’, կարող է թերանանք մի հատվածում, բայց խոստանում ենք, որ հաջորդ տարի այդ թերությունները կվերացնենք: Չէ, որ աշխատողն է սխալվում և սովորում իր սխալներից:

Առավոտյան ժամը 08:00-ից մինչև երեկոյան ժամը 20:00-ն սկաուտներս քրտնաջան աշխատել ենք, ինչը վկայում էր մեր կեղտոտված համազեստները, վերքոտած ձեռքերը և այրված դեմքերը… ընթացքում, մեր մեջ զարգացավ պատասխանատվության գիտակցությունը և նաև թիմային աշխատանքը, որովհետև այդ մեծ աշխատանքը չէր կարող ավարտվել անհատներով, այլ միայն թիմով՝ Խմբով, մեր Սկաուտական խմբով:

Շնորհակալ ենք Արարատյան թեմին ծրագիրը խորհրդանշական մեկնարկելու համար, ինչպես նաև մասնակից կամավորներին, ուսումնական հաստատություններին, կազմակերպություններին և անհատներին, ովքեր մասնակցեցին այս մեծ աշխատանքին, և շուտով կհանդիպենք վերամշակման աշխատանքներն իրականացնելու ժամանակ: Ծաղկաթերթիկները չորացնելուց հետո, այցելելու ենք բոլոր մասնակիցներին, և նրանց սովորեցնելու ենք ինչպես վերամշակել ծաղկաթերթիկները ստանալու համար թուղթ և մոմ:

Հատուկ շնորհակալությու ենք հայտնում ծրագրի գլխավոր հովանավոր՝ «ԹԱԹՅՈՍԱ» ՍՊԸ-ին, և Հովնանեան Ընտանիքի հիմնադրամին այս ծրագիրը իրականացնելու համար: