41-րդ Սկաուտական Բանակում

Այս տարի ևս կայացավ ամենամյա սկաուտական Բանակումը:

Այս տարվա «Անդրանիկ» Բանակումը՝ մեր խմբի ղեկավարների կողմից կազմակերպված, 41-րդ բանակումն էր՝ Ճամբարը, որը նշվեց մեծ շուքով, հարուստ ծրագրերով և ռազմամարզական ծրագրերով: Այս տարի նույնպես տեղի ունեցավ մեր խմբի ավանդական ամենամյա խարույկահանդեսը և Հարիսան, որին ներկա էին սկաուտական խմբի ծնողներն ու աջակիցները: Խարույկահանդեսին իր նեկայությամբ պատվեց Մոնթե Մելքոնյանի անվան ռազմավարժարանի հիմնադիր գնդապետ Ալեքսան Մինասյանը։

Այս տարի Արալեզը բանակումն իրականացրեց «ԱՐԱԼԵԶ Ճամբար»-ում, որը բարեգործական հիմունքներով տրամադրվել է մեր խմբին, ուր իրականացնելու ենք տարվա ընթացքում իրականացվող մեր բոլոր բանակումները:

2008թ.-ից սկսած, ԱՐԱԼԵԶ Սկաուտական խումբն իր գործունեությունը ծավալել է Հայաստանում, ուր մեր խմբի ղեկավարները տարիների ընթացքում կազմակերպել են բազմաթիվ բանակումներ, իսկ այս տարվա բանակումը հանդիսանում է 41-րդ բանակումը:

Սկաուտական խմբի բանակումները գործում են հետևյալ ուղղություններով՝ ռազմամարզական, ողջ մնալու արվեստի տիրապետման՝ գոյատևման գիտելիքներ, և առաջնորդների պատրաստում։ Գիտելիքների ձեռք բերումից և կոփվելուց բացի, երիտասարդը բանակումից հետո դառնում է ինքնավստահ և ձեռք է բերում մեծ թվով ընկերներ:

Շնորհակալ ենք բոլոր մարզիչներին, հրամանատար անձնակազմին և աջակիցներին, որոնց շնորհիվ Արալեզը շարունակում է իր սուրբ առաքելությամբ գործել Հայաստանում:

Եթե ցանկանում եք իմանալ, ինչ է Սկաուտ լինելը, ապա կարող եք ընթերցել հետևյալ հղումով՝