Առաջնորդական Կրթական Ծրագիրը մեկնարկվեց

2008թ.-ից ի վեր, մեր Սկաուտական խումբը հայ ազգին տվել է բազմաթիվ առաջնորդներ, ովքեր իրենց հաջողությունները և կերտած ճանապարհը մինչ օրս ծառայեցնում են Հայաստանի Հանրապետության բարգավաճմանը:

Ծրագրի հաջողության ցուցանիշներից են, որ յուրաքանչյուր Սկաուտ հայրենիքի իր պարտքը՝ զինվորական ծառայության մեկնելիս, զորացրվում է Սերժանտի կոչումով և բազմաթիվ շնորհակալագրերով, իսկ քաղաքացիական կյանքում, մեր ավագ առաջնորդները նվաճել են շատ բարձունքներ՝ մասնագիտական աշխատանքի ոլորտում զբաղեցնելով մենեջերի, տնօրենի, ղեկավարի հաստիք և նաև սեփական ընկերությունների հիմնադիրներ են:

Առաջնորդ պատրաստելու համար, դասավանդողը կամ մարզիչը պետք է իր օրինակով ցուցաբերի առաջնորդի կերպարը, և այդ պատճառով, մեր Վաշտապետ Սարօ Թաթյոսը հեղինակային այս ծրագրի ուսումնական պլանը տարիներ շարունակ խմբի անդամներին անձամբ է մատուցվել և մատուցում, իսկ Վաշտապետը, իր օրինակով միշտ ցույց է տալիս սկաուտներին, թե որն է առաջնորդը և ինչպես պետք է հասնել դրան:

Այս տարվա Առաջնորդության կրթական ծրագիրը մեկնարկվեց հունվարի 12-ին․ այդ օրը սկաուտները ծանոթացան ընթացակարգին, մասնակցության պայմաններին և նրանցից սպասվող ակնկալիքներին:

Վաշտապետը սկաուտներին ոգևորելու նպատակով, մատնանշեց նախորդ տարիներին մասնակցած ծրագրի ավարտողներին, և նրանց կերտած հաջողություններին: Այդ ամենը սկաուտներին բարձր ոգևորությամբ և մարտական տրամադրությամբ լցրեց:

Իսկ հունվարի 13-ին, 14-ին մասնակիցներն անցան տեսական մասը, և յուրաքանչյուր մասնակից ստանձնեց սկաուտական խմբում պատասխանատվություն, որից հետո ծրագիրը մտավ իր գործնական փուլի մեջ: Գործնական փուլի տևողությունը 6 ամիս է, որի ընթացքում յուրաքանչյուր մասնակցի հնարավորություններ է ստեղծվում գործնական փորձառություն ձեռք բերելու, սովորելու իր սխալներից և ամենակարևորը, զարգացնելու համար մասնակցի ինքնավստահությունը: Այդ իսկ պատճառով, մեր սկաուտական խումբը Հայաստանի ամենաակտիվ Երիտասարդական ոչ Քաղաքականացված սկաուտական խումբն է:

Առաջնորդական ծրագիրը այս պահին գտնվում է Գործնական փուլում, և Կիրակի օրը, մասնակիցները հնարավորություն են ունենալու իրականացնել կիրակնօրյա հայտագիրը, որն ամբողջությամբ պատրաստել են:

Հաջողություն ենք մաղթում բոլոր մասնակիցներին, մաղթում ենք հաջողությամբ ավարտել գործնական ծրագիրը, որ կարողանաք ստանձնել Սերժանտի կոչումը: