Սկաուտությունը Հայաստանում 16 Տարի

Հունիսի 1-ին Սկաուտական խմբի ղեկավարները նշում են իրենց 16 տարվա սկաուտական գործունեությունը Հայաստանում: 16 տարի շարունակ նրանք ծավալել են Սկաուտական գործունեություն Հայաստանում՝
⚜պատրաստելով 1100+ ապագա սկաուտներ և լիդերներ,
⚜ կազմակերպելով բազմաթիվ սկաուտական ճամբարներ, արշավներ, մարդասիրական, բնապահպանական, հայրենասիրական և մշակութային ծրագրեր:
Երախտապարտ ենք ԱՐԱԼԵԶ Բարեգործական ՀԿ-ին, որի շնորհիվ կարողանում ենք շարունակել սկաուտական գործունեությունը:
Այս տարիների ընթացքում մեր խմբի ղեկավարները ձեռք են բերել մեծ փորձառություն և նվիրված կամավոր ծառայել են Հայ ազգին և ի նպաստ Հայրենիքին՝ ուժեղ, ազգային, առաջնորդ և հայրենասեր երիտասարդներ պատրաստելով մեր Հայաստանի փայլուն և պատվաբեր ապագայի համար:
16 Տարի շարունակ կազմակերպում են՝
⚜40+ Ճամբարներ
⚜800+ օր ճամբարային օրեր
⚜38+ Արշավներ
⚜800+ Սկաուտական ծրագրեր.
կյանքի մեծ մասը նվիրել են մեր սկաուտական գործունեությանը և դրա զարգացմանը:

Շնորհակալ ենք մեր բոլոր պատասխանատուներին` Սարօ Թաթյոսի գլխավորությամբ, ովքեր շարունակում են Հայաստանում ծառայել հանուն Աստծուն, Ազգին և Հայրենիքին՝ մեր երիտասարդությանը սկաուտական ոգով և գիտելիքներով հարստացնելով:
Շնորհավորում ենք՝ մաղթելով անսպառ ուժ և երկար տարիների սկաուտական գործունեություն․․․

Արալեզ սկաուտական խմբի Մեդիա թիմը սկսել է «16 հաղորդաշար»-ը, որն իրենից ներկայացնում է 16 հրապարակումներ, որոնցում ամփոփվելու է սկաուտության 16 տարվա գործունեությունը Հայաստանում։ Հաղորդաշարի շրջանակներում տեղի կունենան հարցազրույցներ սկաուտների և նրանց ծնողների հետ, ինչպես նաև պատասխանատուների և ղեկավարի հետ, բացի այդ կհրապարակվեն գործունեությունը նկարագրող լուսանկարներ, տեսանյութեր, որոնք մինչ այսօր ոչ մի տեղ չեն հրապարակվել։ Մեդի թիմին իր խորհուրդներով և անմիջական մասնակցությամբ աջակցում է Հասմիկ Գանձանակյանը, ում անչափ շնորհակալ ենք։

«16 հաղորդաշար»-ի մեկնարկը տրվեց սկաուտի և իր ծնողի հարցազրույցով, որի համար նույնպես շնորհակալ ենք Ամինե Ներսիկյանին, ում դստրերը 7 տարի է արդեն դարձել են սկաուտական ընտանիքի անդամ, իսկ Արմինեն խմբին աջակցում է սկաուտական ծնողական կոմիտեում իր գործունեությամբ։