Հիմնադրի Օր – Founder’s Day
Ժառանգության Բեյջ
Ուսումնասիրում է Լորդ Բեյդըն Փաուելի կյանքը և սկաուտության հիմնադրության պատմությունը
Ամբողջ աշխարհում այս օրը նշվում է որպես համաշխարհային մտածելու օր՝ օգնելով ուրիշներին և մտածելով այլոց մասին։ Օրը դարձել է տոն ի պատիվ սկաուտության հիմնադրի, որի համար Սկաուտների համար այս օրը Հիմնադրի Օրն է:
Այսօր սկաուտության հիմնադիր՝ բրիտանական բանակի լեյտենանտ-գեներալ, գրող Ռոբերտ Սթիվենսոն Սմիթ Բեյդըն Փաուելի տարեդարձն է։ Բեյդըն Փաուելի կարճ անվանումն է ԲՓ։ Նա ծնվել է 1857 թվականի փետրվարի 22-ին, Լոնդոնում, վանականի ընտանիքում։ Նրա հայրը դասախոսել է Օքսֆորդի համալսարանում: Պապը՝ Ռոբերտ Սթիվենսոնը, եղել է ճանաչված գյուտարար, շոգեքարշի հեղինակ Ջորջ Սթիվենսոնի որդին։ Երեք տարեկան հասակում ԲՓ կորցնում է իր հորը և մեծանում մոր խնամքի տակ։ Նրա կենսագրությանն ավելի մանրամասն կարող եք ծանոթանալ այստեղ, սկաուտական գործունեությունը և փաստագրական ֆիլմերի դիտումը սկաուտական խմբի անդամներին ներկայացրեց ԱՐԱԼԵԶ Հայաստանի սկաուտական խմբի Գերագույն Վարչական Ղեկավար՝ Վաշտապետ Սարօ Թաթյոսը։
Ամեն տարի տոնում ենք յուրովի, որի հիմանական մասն են կազմում բարեգործական այցելություններն ու Սկաուտական ժառանգության բեյջի ստացումը: Այս տարին չտարբերվեց, նախ ստացանք Բեյջի գիտելիքը, ապա նվերներ բաժանեցինք Մանկան տանը գտնվող փոքրիկներին, որն էլ իրականացրեցինք հենց այսօր՝ փետրվարի 22-ին։
ԱՐԱԼԵԶ Սկաուտական Խմբի բոլոր անդամները միանում են աշխարհում գտնվող բոլոր սկաուտներին, և շնորհավորում ենք բոլոր Սկաուտներին Հիմնադրի Օրվա կապակցությամբ…
Սկաուտական Առաջնորդության Հաջողությունը
«Սկաուտին մարզելու հաջողությունը մեծ հաշվով կախված է խմբապետի ծառայած օրինակից» Լորդ Բեյդըն Փաուել
Սեղմեք և ծանոթացեք աշխարհի ամենահաջողակ առաջնորդներին, ովքեր մեծ ազդեցություն են թողեր ամբողջ աշխարհի վրա:
Կարող է նաև հավանեք
Ծրագրավորման Դասընթաներ
Խաչքարերի առաջին առցանց շտեմարանը
