Ողջ Մնալու Արվեստ | Տեսական

Սկաուտը միշտ առաջնորդվում է Միշտ Պատրաստ նշանաբանով, և սկաուտը ցանկացած իրավիճակի պետք է պատրաստ լինի՝ կլինի սկաուտական հավաքներում, բանակավայրում, արշավների ընթացքում, դպրոցում, համալսարանում, տանը, աշխատանքային վայրում, ճանապարհորհդելիս, և հատկապես արտակարգ իրավիճակներում:

Յուրաքանչյուրի դեպքում, սկաուտը պետք է այնպես պատրաստ լինի, որ կարողանա ողջ և առողջ վերադառնա տուն:

Հիմնականում, երբ սկաուտը արշավ կամ բանակում է գնում որևէ արտակարգ իրավիճակի (փառք Աստծո) չի հանդիպում, ունենում է իր հետ բոլոր անհրաժեշտ պարագաները:

Սակայն օրերից մի օր (Աստված մի արասցե) կարող է և հայտնվենք նման իրավիճակի, օրինակ՝ կարող է ճանապարհից շեղվենք և մոլորվենք, ինչ-որ մեկի առողջությունը վատանա, հայտնվենք վատ եղանակի տակ, նավակը շրջվի, ավտոբուսը ճանապարհին փչանա, չկարողանանք տեղանք կողմնորոշել, մեր իրերը կորցնենք, ջուր սնունդ չունենանք, և այլն:

Այս վախենալու դեպքերը հաղթահարելու համար պետք է տիրապետել Ողջ Մնալու Արվեստին, որն էլ Սկաուտի գլխավոր արվեստն է: Հանգիստ կանգնել և մտածել՝ ճիշտ որոշում կայացնել, որ այդ դժվարությունից անվնաս դուրս գանք: Այսինքն, պետք է գործել բնության հետ ոչ թե դեմ, ունենալ դրական վերաբերմունք, որը միակ բանն է, որ սկաուտը չի կարող տեղադրել իր ուսապարկի մեջ:

Այս դասընթացի շնորհիվ, սովորելու ենք տարբեր իրավիճակներում ինչպես պետք է հաղթահարել վատ իրավիճակը՝ օգտվելով Սկաուտի հարուստ ԱԲԿ գիտելիքներից: