|
2010-ին Հայաստանում տոնակատարությունների շարքով նշվելու է հայ իրականության մեջ սկաուտական շարժման տարածման 100 և անկախ Հայաստանի Հանրապետությունում սկաուտության հիմնադրության 90-ամյակները` ոգևորության և խանդավառության մթնոլորտ ստեղծելով ամենուրեք:
Տոնակատարությունների մեկնարկը տրվում է այս շարքի ամենանշանակալի տոնով` <<Հայ սկաուտի օր>>-ով, որ նշվում է ապրիլի 18-ին:
Ուղիղ 100 տարի առաջ` 1910թ. ապրիլի 18-ին, Պոլսի թաղերում տեղի ունեցավ հայ սկաուտական խմբերի առաջին երթը` երթ, որ ձգտեց հայ պատանու ու երիտասարդի մեջ նախ կերտել Մարդը, Հայը և ապա` սկաուտը:
Սերունդներ զինվորագրվեցին ՀՄԸՄ-ի սկաուտական դրոշին և հազարավորները լծվեցին մարդակերտումի և հայակերտումի նրա նվիրական գործին:
Փառք այդ պանծալի դրոշին:
Պատիվ այդ դրոշը բարձր բռնած <<Հսկա նվիրման տորմիղ հրաթև, կամավոր բանակ>>-ին:
Բյուր հարգանք հարյուրամյա գործունեությունից հավետ բաժանված ՀՄԸՄ-ական սկաուտների պանծալի հիշատակին` քանզի արդար է եղել նրանց հպարտությունն ու միշտ բարձր նրանց ճակատը:
ՀՄԸՄ-ական մեր սիրելի քույրեր և եղբայրներ, սկաուտական <<Միշտ պատրաստ>>-ով մերն է լինելու նաև այս նոր հարյուրամյակը:
Շնորհավոր բոլորիս տոնը:
|